...............
أعترِف إنّي على حبِّك مِديم
حـتّى لو نادَت على الفَرْقا الظٌروف
بـرضَى لكنْ لا تظِن إنّي سِليم
كـلْ ما فيني يِوَدِّعْك بكِسوف
وحْده الله اللِّي في حالي عَليم
كنـّي مِن بَعدِك كَمطْعون بْسِيوف
والله إنّك في حَنا قَلْبي مِقيم
ما تِحِّركك الوَقايٍع والصٌروف
في غِيابك رِغْم سمْعي للهَزيم
صابرٍ بإسْم المَحبَّة دونْ خوف
في غيابِك خافِقي صوبِك كِريم
ما أَبالي وِشْ كِثر وَقْتٍ يِطوف
ياحَلاة الحُبْ يوم إنّه فِطيم
بعدِي أذْكِر أوّل أيّآم الوُقوف
وين ريحِك كِلْ ما هَبْ النّسيم
وين بَلْقى مِن شِرى قلْبِك عَطوف
كل مِن فرّط فِحبّك ذا غِشيم
كيف يِحْكم عالنِّوايا دونْ شوف
كِلمتك لاقِلْت تِسْكن في الصِّميم
كلمتِك زادٍ لِنا فوقَ الكُتوف
أشْهَد إنّي في هِوى حُبِّك نِديم
ما تِطفِّي نار شوقي لِك حُروف
..............
الأربعاء مايو 15, 2013 3:54 pm